2.4.1
Tiknoolajiyada Casriga ah iyo Dhalinyarada Maanta
Inkastoo la
sheego in faa’iidooyin badan laga dhaxlay Baraha ay Bulshaddu ku wada
Xiriirto sida Facebook, Twitter, Instagran, Youtube, IWM,
hadana waxa loo aanaynayaa in ay qayb wayn ka qaateen dhaawaca soo gaaray
dhaqanka soomaaliyeed.
Waxaa ah wax
laga xishoodo ah in aan maalin walba aragno sawiro iyo muuqaalo aan haboonayn
oo lasoo dhigayo Barahaan Xiriirka Bulshadda ee aan kor kusoo xusnay. Tusaale
ahaan, waxaad arkaysaa nin soo dhigaya sawirka Xaaskiisa ama Walaashiis
Facebook si looga faaloodo !!!! ama Gabar soo dhigaysa sawirkeeda Facebook oo
aan asturnayn si wax looga yiraahdo !!!!!!! amaba Muuqaalo kuwaas la mid ah oo
ku jira Youtube ama Facebook !!!. Sidaaas darteed, halkaas waxaa ku lumay tiir
ka mid ah tiirarkii uu ku dhisnaa dhaqankii suubanaa ee Soomaalida kaas oo ah
xishoodkii.
2.4.2 Af xooridda(ka
tegida) iyo Dhalinyarada Maanta
Intaas waxa
sii dheer lumida afkii hooyo oo maraya heer dadkii u dhashay ee ay ahayd
in ay horumariyaan ay ka faanayaan taas oo astaan u ah dabar go’a dhaqankeena
iyo afkeena ee xiliga dhow.
Afka waa
lafdhabarta dhaqanka, dhimashadiisuna waa dhimashada dhaqankeena ugu dambayna
waxaynu ku khasbanaan doonaa in aynu marti u noqono afafkale iyo dhaqamo kale
oo ay leeyihin Qaramo kale.
2.4.3 Dhar
xidhashada(lebiska) iyo Dhalinyarada Maanta
Waxyaabaha
sida fudud u dhalan rogay bulshadeena waxaa ka mid ah qaabka lebiska sida
dharka loo yaqaan dhejiska (Hooyo Iga Siib), qaabka jarashadda Timaha ee
dhalinta Soomaaliyeed (Jeego Xiir), bedelka ama cadaynta jirka iyo kuwo kale oo
badan aana qaawanaan waxba dhaamin ayna u badanyihiin dumarku.
Dhammaan
waxyaalahaan aan soo sheegnay waxaa laga soo guuriyey dhaqamo shisheeye iyagoo
lasoo mariyey muuqaalo loogu talo galay in lagu bedelo dhaqamada
bulshooyinka u nugul in ay sifudud u bedelmaan iyo dad soo qaatay dhaqamo
kale oo dalka dib uga soo noqday.
Xiliga hada
la joogo waa xili ay Bulshooyinka aduunku isu furanyihiin (Globalization)
dhaqamadduna si fudud isugu gudbikaraan taasi oo sii xoojisay duulaankii iyo
isgumaysigii ka dhexeeyey dhaqamadda sidaas darteed waxaa hubaal ah in dhalinta
Soomaaliyeed ka tageen dhaqankoodii iyagoo aanba dareensanayn oo aaminsan in ay
lajaanqaadayaan ilbaxnimooyinkii ugu dambeeyey ee adduun weynaha.
Dhalinyarada maanta joogta,
weliba dhalinyarada Soomaaliyeed, dhib badan ayaa haysata dibad iyo gudahaba.
Dhibaatadaas wax halkaan lagu soo koobi karo maahan, waana wax aan wada ogsoonahay.
Dhibta in laga sheekeeyo waxba ma tarto, ee in xalka laga sheekeeyo ayaa
wanaagsan.
Tix-raac:
1. Axmed Maxamud Axmed (Sahal Duuble)- Dhaqanka
Somalida
0 Comments