Ku:
Madaxweynaha Jamhuuriyadda Somaliland Md.Muuse Biixi Cabdi.
OG:
Golaha Guurtidda Somaliland.
OG:
Oday Dhaqameedka Beelaha Somaliland.
OG: Waxgaradka
Iyo Aqoonyahanka Somaliland.
Hordhac:- Labadii dooroshe ee ugu dambeeyey ee ka qabsoomay Somaliland,
doorashadii goolaha deegaanka ee qabsoomaya Dec/2012-kii iyo doorashadii
Madaxtooyadda Somaliland oo qabsoontay Nov/2017-kii, waxay shacabka iyo
goboladda Somaliland ku reebeen
xusuus weyn iyo kala qoqobnaan aad u sareysa, waxayna
Somaliland ku reebeen hadal hayn iyo nacayb ka dhex dhashay shacabka iyo umadda
Somaliland guud ahaa, waxaana ka dhashay in Goboladda Somaliland qaar kamid ahi
wiiqaan qarannimadii iyo midnimadii umadda Somaliland ee lugu gaadhey 1991
Magaallooyinka Burco Iyo Boorama, iyo sidoo kale Axdi qarameedkii 1993-kii ay
qalinka ku duugeen dhamaan Beelaha Somaliland wadda deggaa, isla markaana Beelo
iyo cid gaar ah lugu tuhmay luguna xanto in ay ka sad-bursiisi bateen beelaha
kale ee Dalka, waxaana ka dhashay Magacyo iyo naaneyso aan u fiicnayn dhegaha
umadda walaalaha ah ee Somaliland. Dhacdooyinkaas jira awgood waxaan maankeyga
iyo maskaxdeyda ka keenay in Qaranka Somaliland u baahanyahay turxaan bixin iyo
in si waddo jir ah loo xaliyo arimahaas yaryar oo beri ka maalin noqon kara
kuwo ku fidda umadda.
Afeef: Qormo qoraalleedkan waxaan ka afeefanayaa in aanan cid gaar ah
kusoo hadal qaadin, isla markaana aan uga dan-leeyahay maslaxadda iyo
horumarka, jacaylka iyo walaaltinimadda, midnimadda iyo qaranimadda jiritaanka
Somaliland, Soomaalilaan oo isku duuban.
Hadii aan hoos ugu daadego qormo
qoraalleedkan, sidaan kor kusoo xusay labadii doorosho ee ugu dembeeyey ee ka
qabsoomay Somaliland, doorashadii Golaha Deegaanka iyo Doorashadii madaxtooyada
Somaliland waxay dalka iyo dadka ku reebeen raad aad u xun iyo khilaaf ku dhex
baahay shacabka iyo siyaasiyiinta Somaliland, raadadka aan la jecelaysan karin
ee ay inugu reebeen waxay keentay shirar Beeleedyo, shirar jufooyin iyo shirar
ay qabsadaan siyaasiyiin gaar ahi, oo dhamaantood xambaarsan dareen diidmo
dhanka qalbiga ah, shirarkaasi waxay shacabka tusayaan sida aan la iskugu niyad
sameyn, isla markaana shacabkii ra’yidka ahaa waxay noqodeen kuwo la kala safta
siyaasiyiinta reerahoodda kasoo kala jeedda, taas oo bulshadii ka dhigtay “Kuwo
jidh ahaan wadda jooga, laakiin qalbi ahaan kala maqan”, waxaana
doorashooyinkaas ka dhashay magacayo iyo naaneysyo loogga dan leeyahay Reero
iyo beelo gaar ah oo loo asteynaayo maamulka iyo hantida umaddu wadda leedahay.
Hadii arimahani sii socodaan oo aan shir qaran iyo turxaan bixin la iskugu
imana waxay Somaliland dhaxalsiin karaan Taariikh madow oo dib u masaxda
Horumarkii ay ku faaneysay 28 sano ee ay jirtay.
Mudane Madaxweyne, Mudane Xildhibaan
Guurti, Mudane Madax-dhaqameed, Mudane Aqoonyahan, Dalka goboladda Barri waxaa
ka jira Colaado, colaadahaasi oo ah kala ah kuwo sokeeye iyo kuwo cadawga
Somaliland damcayaan deegaano iyo gobolo Somaliland ka tirsan, labaduba waxay u
baahanyihiin shir iyo axdi qaran oo laga mideysanyahay si aanay inoogusoo
fidin.
Qodobadda
lagama maar-maanka uu u yahay Axdi iyo shir qarameedku:- Waxaan hoos ku xusi doonaa sababta
ugu weyn ee qaranku maanta ugu baahanyahay shir iyo axdi qarameed, una baahan
in turxaan-bixin iyo midnimo lugu xaliyo, qodobadan waxaan si gaar ah ugu
socodsiinayaa laamaha Qaranka ee aan kor kusoo xusay.
1.
Midnimadda
umadda Somaliland iyo jiritaanka Qaranimadda Somaliland in ay yihiin kuwo
muqaddis ah oo aan marnaba lugu kala-teggi karin.
2.
In
Guud ahaan umadda Somaliland, Barri, Galbeed, Koonfur iyo Waqooyiba meel kasta
oo ay degganyihiinba ay u simanyihiin Dawladda iyo Dakhliga dalka.
3.
In
si dhab ah oo aan af iyo hadal midna ahayn gacmaha la iskugu saaro, Reerro
kasta iyo Beelo kasta oo wax kala tirsanaaya, iyadda oo goob joog ay u wadda
yihiin Beelaha kale ee dalka Degeni.
4.
In
Beesha ama Beelaha diidda nabada iyo horumarka, beelaha kale ee Somaliland
go’aan mideysan ka wadda gaadhaan.
5.
In
Xisbiyadda Siyaasadda laga bedelo habka Saami qaybsiga beelaha, oo gacanta loo
geliyo aqoonyahano ka madaxbanaan qabyaalad iyo reernimo.
6.
Isla
markaana siyaasiyiinta dalku aanay arimaha dalka uga hadlin qaab qabiileedyo ee
ay uga hadlaan qaab siyaasadeedyo, si reeraha ay uga madaxbanaanadaan.
7.
In
madaxda saddexda xisbi qaran lugu fuliyo go’aan ah in aanay reernimo iyo gobolo
gaar ah aanay ku abtirsan ee ay dhex u noqodaan Qaranka iyo umadda guud ahaan.
8.
In
wax kasta oo la kala tirsaddo lugu dhameeyo shir qaran, oo aan lugu dhameyn
qaab qabiil ama reernimo.
9.
In
hadaladda turxaanta iyo kala-qoqobidda umadda xambaarsan aanay cidna lasoo
fadhiisan warbaahinta Dalka iyo midda dibada labadaba.
10.
In
guddi adag oo musdanbeed u ah jiritaanka Somaliland iyo horumarkeeda la
sameeyo, si ay u xaliyaan khilaafyadda soo if bixi kara xiliyadda
doorashooyinka ama xiisaddaha siyaasadeed ee dalku kacsanyihiin.
11.
Ugu
dambeyntii in mashaariicda maal-gashiga ee waaweyn laga yeesho shirar iyo u
dhexeeya madaxda iyo madax-dhaqameedyadda Dalka si, tuhun iyo mallo-awaal
khilaaf dhalin kara meesha looga saaro.
Codsi: Aqoonyahan kasta iyo qof kasta oo xidhiidh la’leh laamaha aan ku
socodsiinaayo qoraalkan furan, waxaan ka codsanayaa in ay iisii gudbiyaan, si
aynu dalkeena iyo dadkeena uga bedbaadino khilaaf iyo dagaalo sokeeyo.
“Waxaan rajeynayaa in warqadan gaadhi doonto
dhamaan cidda ay ku socoto”
Wabilahi tawfiiq.
Mr.
Hamse Bashe (Wiyeer-yare)
Qoraa /
Saxafi madax banaan
Hargeysa -Somaliland
0 Comments