Qormadeenan Maanta waxaan kusoo qaadan doonaa laba kamid ah waxqabadyadii todobaadkii tegay taariikhda u galay Gudoomiye Maxamed Ibraahim Qabyo-tire. Iyaga oo inta badan bulshada wanaaga iyo horumarka jecel ee Somaliland gaar ahaan muwadiniinta gobolka Togdheer ay amaan iyo mahadnaq joogto ah u jeedinayaan gudoomiye Maxamed Qabyo-tire ayaa inta badan labadii todobaad.
Doorka Maxamed Ibrahim (Qabyo-tire) Uu Ka
Qaatay Taageerida Dadka Danyarta ah Ee G/togdheer
Q.11aad Ee Buuga “Maxamed Ibrahim
Qabyo-tire Hogaamiyihii Midinimada iyo Horumarka Togdheer”
W/Q: Mr.Hamse Bashe (Wiyeer Yare)
Qormadeenan
Maanta waxaan kusoo qaadan doonaa laba kamid ah waxqabadyadii todobaadkii tegay
taariikhda u galay Gudoomiye Maxamed Ibraahim Qabyo-tire. Iyaga oo inta badan
bulshada wanaaga iyo horumarka jecel ee Somaliland gaar ahaan muwadiniinta
gobolka Togdheer ay amaan iyo mahadnaq joogto ah u jeedinayaan gudoomiye
Maxamed Qabyo-tire ayaa inta badan labadii todobaad ee ugu dambeeyey si gaar ah
u muuqday sida xilkasnimadda leh ee Badhasaabku ugu gurmaday bulsho danyar ah
oo kunool gudaha iyo daafaha magaalada Burco, sida kuwo laga raray meelo kala
duwan oo magaalada gudaheeda ah iyo qoysas ay waxyeelo gaadhsiisay abaar
baahsan oo ka jirta gobolka iyo gobolada bari ee dalka.
1.Deeq raashin qaybin ah: Waxaa todobaadkii ina dhaafay Badhasaabka oo hor
kacaaya Ha’yada wadaniga ah ee al-huday ay deeq raashin ah u qaybiyeen in ka
badan 55 qoys oo dhawaan laga raray laba goobood oo kala ah qoysas deganaa goobtii
lagaga dhawaaqay Somalliland 1991 kadib
markii ay mar labaad dib u soo celiyeen ciidankii xornimo doonka ahaa Ee SNM
xoriyadii geyiga Somaliland ee luntay 1960kii, iyo goob in badan uu khilaaf
kataagnaa ilaa uu gaadhay dil, taas oo mudooyinkii ugu dambeeyey maamulka heer
gobol oo kaashanaya cuqaasha iyo waxgaradka labada dhinac ay xal kama dambeys
ah ka gaadheen, duco iyo is afgarashana isku nabadgeliyeen labadii qoys ee
khilaafku ka dhexeeyey.
Qoysaskan
danyarta ah oo hore wakiilka madaxtooyada ahna Gudoomiyaha gobolku Mr.Qabyo-tire
uu u dejiyey dhul ay degaan si looga ilaaliyo dayaca iyo darxumada soogaadhi
kara qoysaskaas maadaama oo ay yihiin muwadiniin xaq iyo xuquuq u leh in ay
helaan meel ay kunoolaadaan, kuna baahi baxaan sida qoysaska kale ee Somaliland
ku dhaqan ayaa 15kii-aktoobar gudoomiyaha iyo wefti ka socoda Al-huda oo qayb
weyn ka ah u gargaarida dadka danyarta ahi ay deeq raashin ah ugu qaybiyeen
iyaga oo u dhamaystiray inta badan raashinka daruuriga ah sida Bariis,
Baasto,Daqiiq, Sonkor, Iyo Saliid.
Gudoomiye
Maxamed Ibraahim Qabyo-tire oo sabab u ahaa in Qoysaskan danyarta ah la caawiyo
ka dib codsi uu u gudbiyey Hayadaha dalka ka hawl-gala ayaa isaga oo ka
hadlaaya goobtii raashinka ku gudoonsiinayeen qoysaska u mahad celiyey hayada
Al-huda iyo qoysaskan deeqda la gudoonsiyey labadaba waxaana hadaladiisii ka
mid ahaa sidan “ Aad iyo aad ayey u mahadsanyihiin Ha’yada Al-huda oo
naga aqbashay codsi aanu u gudbinay, maaha markii u horeysay ee ay na ajiibaan,
qoysaskani waa dadkii aanu kasoo rarnay labadaas meelood, si dhego nugul ayeyna
nooga aqbaleen raridaas, si aanu ugu abaal gudno qoysaskaan aynu deeqdan
raashinka ahna ugu qaybinay aniga ayaa u gudbiyey Al-huda deeqdaas illahayna
haka ajar siiyo sida fiican ee ay noo aqbaleen”. Ugu dambeyntiina
qoysaska oo aad ugu faraxsan ayaa mahadnaq u diray Badhasaab qabyo-tire sida
daacadnimadda leh ee uu bulshadiisa uga war hayo.
2. Deeq Foostooyinka Biyaha lugu shubto: Inaka oo
weli ku gudo jirna deeqihii kala duwanaa ee Gudomiye Maxamed Qabyo-tire
gaadhsiiyey Qoysaskii danyarta ahaa, ayuu isla todobaadkii ina dhaafay wuxuu
deeq foostooyin iyo weelka biyaha ah oo tiro ahaan dhan 42 foosto uu
gudoonsiiyey isla Qoysaskii laga raray Gurigii Somaliland lagaga dhawaaqay,
deeqdan oo uu gudoomiyuhu kadib codsi uu u diray Hayada CCBRS uu ka helay
weel-biyoodkan. Hooyo ka mid ah Qoysaskii la gudoonsiiyey weel-biyoodka ayaa
aad ugu mahadcelisay Hayada CCBRS iyo Gudoomiyahe Mr.Qabyo-tire, halka
gebogebadii uu gudoomiyuhu u mahadceliyey Hayadda iyo cidkasta oo ka aqbasha
codsigiisa uu ku caawinaayo dadka danyarta ah ee Gobolka.
Hadaba
akhriste qormadeenan maantu waxay si weyn inoo tusaysaa sida hawlkarnimada,
daacadnimada iyo hufnaanta leh ee Gudoomiyuhu ugu gurmanaayo dadkiisa
tabaalaysan ee kunool gudaha iyo daafaha gobolka Togdheer, taas oo ah shay
kudayasho muddan.
La soco Q12aad ee Buuga “Maxamed Ibraahim Qabyo-tire,
Hogaamiyii Horumarka iyo Midnimada Gobolka Togdheer” W/q: Mr. Hamse Wiyeer, wixii
Talo iyo Tusaale ah iigusoo hagaaji Ciwaanka Xamse18@gmail.com Ama degalka aan Facebookga ku isticmaalo www.facebook.com/Wiyeeer Ama
Bookho barta Internetka Ee Qoraaga www.wiyeeryare.blogspot.com
0 Comments