Waxaynu qaybta
barmaamujkeenan Daraasaadka dunida kusoo qaadan doonaa qayb kamid ah taariikhda
sheekh cabdiraxmaan binu-cabdicasiis alsudays, sheekh cabdiraxmaan
binu-cabdicasiis
oo lugu naanayso sheekh sudaysi waa madax ugu sareeya arimaha
masjidka xarmaka iyo masjidka nabiga NNKH, waana iimaamka masjidka xaramka ee
maka kuyaala wuxuu qabiil ahaan kasoo jeedaa qabiilka carbeed ee “Cansa
binu-rabiica” wuxuu ku dhashay tuulada “Bukayriya” sanadkii 1382-hijiriyada
–waa iimaamka aana khadiibka xaramka, waana mid kamida ah kuwa ugu caansan
culimada qur’aanka akhrida, wuxuu dhameeyey qur’aanka isagoo da’adiisku ka
yartahay 12 sano, sanadkii 1979 ayuu dhameeyey cilmiga xisaabta, isla sanadkii
1983kii ayuu dhameeyey jaamacada wuxuuna ka bartay shareecada islaamka,
sanadkii 1995kii ayuu gaadhay darajada PHD, wuxuuna ku qaatay shareecada
islaamka jaamacada “Umul-quraa” ee sucuudiga ku taala, intaas kadib wuxuu
qabtay dhawr xil oo kaladuwan, waxaana ugu caansanaa in laga dhigo Iimaaka iyo
khadiibka masjidka Xaramka, amar kasoo baxay boqortooyada sucuudiga sanadkii
1404-tii hijirada ayuu xilkaasi kula wareegay, khudbadiisii ugu horeysay wuxuu
galay isla sanadkii 1404-tii hijirada bishii shabcaan salaad casar kadib, wuxuu
ku barbaaray sheekh cabdiraxmaan al-sudaysi magaalada Riyaad ee dalka
sucuudiga, wuxuuna dhigan jiray madarsada “Musana-bin-xaarisa”, sheekh
cabdiraxmaan alsudaysi wuxuu qaaatay abaalmarino badan oo caalami ah waxaana
kamid ahaa abaal-marinta ay dawlada sucuudigu bixiso luguna bixiyo Dubia ee
lasiiyo culimada qur’aanka kariimka akhrida.
Hamse Bashe Wiyeer-yare
0 Comments