Gabadh 7
sanno jir ah oo lagu magacaabo Chloe Bridgewater, taasoo ku nool magaalada
Hereford ee dalweynaha United Kingdom ayaa waxay soo jiidatay dareenka caalamka
ka dib markii ay shaqo ka dalbata shirkadda Google. Ka dib markii ay aragtay xafiisyada
qurxoon ee shirkaddan Google, gabadhan 7 sanno jirka ah ayaa go’aansatay inay
warqad codsi shaqo ah u dirto guddoomiyaha Google iyadoo weydiisaneysa haddii
ay shaqo siin karaan, sida
uu Andy Bridgewater ku qoray akoonkiisa LinkedIn.
Bridgewater
ayaa xitaa wuxuu warqaddii rasmiga aheyd ee ay soo qortay gabadhani u gudbiyey
Tilifishanka CNBC, waxaana warqaddaas loogu talogalay Google
Boss. Chloe ayaa warqaddeeda u qortay qaab habeysan sida
shaqsi shaqo raadsanaya oo kale, waxayna ku caddeysay inay ammaan ballaaran ka
heshay macalimiinteeda iyo waalidkeed kuwaasoo u sheegay inay waxbarashada ku
wanaagsan tahay, gaar ahaan kumbuyuutarka iyo xisaabta. Guddoomiyaha shirkadda
Google ninka lagu magacaabo Sundar Pichai ayaana warqad dhiirrigelin ah usoo
qoray 7 sano jirtan. Wuxuuna u xaqiijiyey inuu ka filaayo inay soo gudbiyo
codsigan oo kale marka ay iskoolka dhammeysato.
Afhayeen
u hadlay shirkadda Google ayaa u sheegay Tilifishanka CNBC inay warqaddaani
rasmi tahay, isla markaana ay sheekadaani si dhab ah u dhacday.
.png)
.png)
0 Comments